गोरखा १५, साउन । गोरखाको पालुङटार नगरपालिकामा मात्र आज एकैदिन ५७ जनामा कोरोना पुष्टी भएको छ । प्रदेश स्वास्थ्य निर्देशनालय पोखरामा गरिएको पीसीआर परिक्षणका उनिहरुमा संक्रमण देखिएको स्वास्थ्य कार्यालय गोरखाले पुष्टी गरेको हो ।
संक्रमण देखिएका सबै पालुङटार नगरपालिका १ खोप्लाङको भएको नगरपालिका स्वास्थ्य शाखाका प्रमुख कृष्ण अधिकारीले जानकारी दिनुभयो ।
बिहीबार खोप्लाङको खुर्पाजुङ र ज्योति चौतारामा ५२ जना महिला र ५६ जना पुरुषको पीसीआर संकलन गरिएको र आज त्यसको रिर्पोट प्राप्त भएको प्रमख अधिकारीले बताउनुभयो । शुक्रबार संक्रमण देखिएका मध्ये ३० जना महिला र २७ जना पुरुष रहेका छन् ।
