काठमाण्डौं ११, साउन । गुडिरहेको गाडीमा ढुङगा खसेर ९ जनाको मृत्यु भएको छ । उत्तरी भारतमा हिमाचल प्रदेशमा भएको उक्त दुर्घटनामा परि ९ जना पर्यटकको ज्यान गएको हो । दुर्घटनामा परि थप तीनजना घाइते भएको भारतीय सञ्चार माध्यमहरुले जनाएका छन् ।
भारतीय सञ्चारमाध्यमले सार्वजनिक गरेको एक भिडियोमा पहाडको माथिबाट खसेको ढुङ्गाले एउटा पुल नै भत्काएको देखिएको छ ।
अहिलेसम्म के कारणले ढुङ्गा खसेको हो भन्ने स्पष्ट भइसकेको छैन ।
तर, भारी वर्षा भएकाले पहिरोकै कारण ढुङ्गा खसेको हुन सक्ने अनुमान गरिएको छ । भारतीय प्रधानमन्त्री नरेन्द्र मोदीले मोदीले दुर्घटनामा ज्यान गुमाउनेलाई आवश्यक राहत उपलब्ध गराउने बताएका छन् ।फोटो फाइल
