सुर्खेत ७, साउन । मोवाइल चार्ज गर्ने बिषयमा सामान्य झगडा हुदा दाईले आफ्नै भाईको हत्या गरेका छन् । सुर्खेतको बनगाड कुपिण्डे नगरपालिका ५, खैरागारका १४ वर्षीय कपिल परियारले १३ वर्षीय आफ्नै भाई सन्दीप परियारको हत्या गरेको जिल्ला प्रहरी कार्यालयले जनाएको छ ।
विवाद्पछि दाई कपिलले भाई सन्दिपलाई हिर्काएको मुडीले कन्चटमा लागेपछि सन्दिप बेहोस् भएका र उपचारका क्रममा मृत्यु भएको हो । सन्दीप र कपिलबीच मंगलबार साँझ मोबाइल चार्ज गर्ने विषयमा सामान्य विवाद् भएको थियो ।
सन्दीपको बाँकेको नेपालगञ्ज मेडिकल कलेज कोहलपुर उपचारका क्रममा मृत्यु भएको प्रहरीको भनाई छ । जिल्ला प्रहरी कार्यालय सल्यानका सूचना अधिकारी अर्जुन पौडेलका अनुसार घटनापछि कपिललाई प्रहरीले नियन्त्रणमा लिएको छ ।
