बाग्लुङ ५ ,साउन । घरेलु रक्सी खाएर सुतेका ४ जनाको मृत्यु भएको छ । बाग्लुङको गलकोट नगरपालिका ७ गैराखर्कमा ‘लोकल रक्सी’ पिएर सुतेका रोल्पाको सुनील स्मृति गाउँपालिका–५ का २१ वर्षीय दिपेन्द्र पुन, सोही ठाउँका ३९ वर्षीय दुध बहादुर राना, ५१ वर्षीय रेख बहादुर राना र ३० वर्षीय प्रबिन घर्तीको मृत्यु भएको प्रहरीले जनाएको छ ।
त्यस्तै रोल्पाको सुनिल स्मृती गाउँपालिका वडा नम्बर ५ गजुलका ३८ वर्षीय खेमराज घर्ती र सोही ठाउँका २६ वर्षीय रविन्द्र पुनको अवस्था गम्भीर रहेको रहेको जिल्ला प्रहरी कार्यालय बाग्लुङका डिएसपी इकलाल हजारीले जानकारी दिनुभयो ।
उनीहरू गलकोटको बृहत खानेपानी आयोजनाको मजदुर भएको खुलेको उहाँले बताउनुभयो । घटनास्थलबाट केही घरेलु रक्सी समेत बरामद गरेको प्रहरीले जनाएको छ । घटनाको थप अनुसन्धान अघि बढाइएको डिएसपी हजारीले जानकारी दिनुभयो ।
