बर्दिया ३, साउन । बाघको आक्रमणबाट ७० बर्षका एक बृद्धाको मृत्यु भएको छ । जिल्लाको ठाकुरबाबा नगरपालिका वडा नम्बर ६ का गोरे थापाको ज्यान गएको हो ।
भैँसी चराउन गएपछि हिजोदेखि हराइरहेका गोरे थापालाई निकुञ्जका हात्तीको सहयोगमा खोजी गर्दा शिवपुर फाँट नजिकै ओराही खोला किनारमा शव भेटिएको बर्दिया राष्ट्रिय निकुञ्जका सहायक संरक्षण अधिकृत असीमकुमार थापाले जानकारी दिनुभयो ।
चालु आर्थिक वर्षसहित दुई वर्ष बर्दियामा पाटेबाघबाट २२ र जंगली हात्तीबाट २ गरि २४ जनाले ज्यान गुमाइसकेका छन् ।
