गोरखा ३१, असार । उत्तरी गोरखाको चुमनुब्री गाउँपालिकाको लागि भोली हेलिकप्टर मार्फत खोप लगिने भएको छ । उत्त क्षेत्रमा बसोबास गर्नेहरुकालागि भन्दै साउन १ गते चीनमा उत्पादन भएको ३ हजार डोज भेरोसिल खोप हेली मार्फत लैजाने तयारी पुरा भएको स्वास्थ्य कार्यालय गोरखाका कोलचेन अधिकृत ऋषिराम खत्रीले जानकारी दिनुभयो ।
चीन संग सिमाना जोडीएको उत्त क्षेत्रमा ०७७ साल माघ २३, २४ र २५ गते हेली मार्फत खोप लगेर स्वास्थ्यकर्मी, सुरक्षाकर्मीहरु र फागुन २३ गते पछि ५५ बर्ष माथिका उमेर समूहका, जनप्रतिनिधी र छुट भएका स्वास्थ्यकर्मी तथा सुरक्षाकर्मीहरु खोप दिई सकेको छ । पहिलो चरणमा ९९५ जनाले खोप लगाएको कार्यालयले जनाएको छ ।
शुक्रबार त्यहाँ लाने १८ बर्षदेखि माथिका उमेर समूहका सबैलाई खोप दिईने भएको छ । उत्त क्षेत्रमा बसोबास गर्ने ३ हजार ७०८ जना भएता पनि केहीले पहिला नै खोप लगाई सकेको र केही मानिस राजधानीमा बसोबास गर्दै आएका कारण ३ हजार डोज खोप मात्र लान लागिएको अधिकृत खत्रीले जानकारी दिनुभयो ।
खोप बढी भएमा बिग्रने तर कम भएमा पुनः थप्न मिल्ने भएका कारण पनि संख्याको आधारमा कम खोप लान लागिएको हो । ‘खोप पुगेन भने हामी पुनः लैजान्छौ र खोप दिन्छौ’ अधिकृत खत्रीले भन्नुभयो।७ वटा वडा रहेको उत्त क्षेत्रमा सिर्दीबास, चुम्चेत, छेकम्पार, बिही, प्रोक, ल्हो र सामागाउँमा रहेको स्वास्थ्य केन्द्रमा सम्र्पक राखी खोप सेवा लिन सक्ने कार्यालयले जनाएको छ ।
