गोरखा २५, असार । जिल्ला अदालत गोरखाले कैद सजाय सुनाएका एक फरार अभियुक्तलाई गोरखा प्रहरीे पक्राउ गरेको छ । अदालतले गौबध मुद्दामा फरार भएका जिल्लाको बारपाक सुलिकोट गाउँपालिका वडा नम्बर ७ का ३० बर्षका बिकास सार्कीलाई प्रहरीले आज पक्राउ गरेको हो ।
सार्कीलाई जिल्ला अदालत गोरखाले १ बर्ष कैद तोकिएका गौबध मुद्धामा फरार भएका थिए । उनलाई आज नै जिल्ला अदालतमा फैसला कार्यान्व्यनका लागि पठाइएको जिल्ला प्रहरी कार्यालय गोरखा प्रहरी निरीक्षक धर्मबहादुर अधिकारीले जानकारी दिनुभयो ।
