सप्तरी १५, असार । मोबाइल चार्ज गर्दा करेन्ट लागेर एक महिलाको मृत्यु भएको छ । सप्तरी जिल्लाको अग्निसाइर कृष्णसावरण गाउँपालिका ६ महुली बजारकी ३५ बर्षकी जहादा खातुनको करेन्ट लागेर मृत्यु भएको जिल्ला प्रहरी कार्यालय सप्तरीले जनाएको छ ।
करेन्ट लागी गम्भीर घाइते भएकी खातुनलाई उपचारका लागि विराटनगरको नर्सिङहोम अस्पताल लगिएको थियो । उहाँको उपचारकै क्रममा हिजो ज्यान गएको प्रहरीले जनाएको छ ।
