गोरखा १३, असार : गोरखाको सिरानचोक गाउँपालिकामा नेकपा माओबादी केन्द्रद्धारा गठित कोभिड स्वास्थ्य इकाईले कोरोना रोकथामका लागि परामर्श शिविर सञ्चालन, स्वास्थ्य सामग्री सहयोग प्रदान गरेको जनाएको छ । इकाईले कोभिड संक्रमण फैलन नदिन कोभिड बारे सचेतना फैलाउन जिल्ला भित्रका सञ्चार माध्यममा सचेतना मूलक सामग्री प्रशारणसंगै विरामीहरुको परिक्षण, उपचार तथा उद्दारमा परिचालन गरेको जनाएको छ । 
कोभिड–१९ को महामारीबाट नागरिकहरुलाइ सुरक्षित राख्न इर्काले आफू बच्न र अरुलाई बचाउन समुदाय स्तरमा सचेतना फैलाउने उदेश्यले सार्वजनिक सन्देश बनाई सञ्चार माध्यमहरुमा प्रशारण गरेको संयोजक नवराज पुडासैनीले जानकारी दिनुभयो । त्यस्तै गाउँपालिका भित्र कोभिड परिक्षण, उपचार तथा परामर्श शिविर संचालन गरी कोभिड संक्रमण पुष्टी भएकाहरुलाई औषधी र परामर्श प्रदान गरिएको उहाँको भनाई छ । इकाईले पालिका भित्रका होम आइसोलेसनमा बसेका ८७ जना बिरामीहरुलाई घरघरमा पुगेर पोषण तथा सरसफाई सामग्री समेत बितरण गरेको संयोजक पुडासैनीले बताउनुभयो ।
बितरण गरिएको सामग्रीमा प्रति बिरामी १० दखि १५ पिस अण्डा, २ किलो गेडागुडी, १५ पिस सर्जिकल माक्स, सेनीटाजर, साबुन उपलब्ध गराइएको इकाईले जनाएको छ । इकाईले पालिकाको ८ वटै वडामा कोभिड–१९ को संक्रमण फैलिएको तथा संक्रमणको जोखिममा रहेका बस्तीहरुमा माक्स लगाऔं, कोरोना भगाऔं अभियान संचालन प्रत्येक घरमा सर्जिकल मास्क समेत बितरण गरेको हो । पार्टी अन्र्तगत गठित इकाईले जनताको जीवन रक्षालाई केन्द्रमा राखेर जनसेवामा सक्रिय हुनुलाई मुख्य कार्यभार भएको जनाएको छ ।
