गोरखा ७, असार । गोरखाको चुमनुव्री गाउँपालिकाका बाढी पहिरो पिडितका लागि राहात सामग्री पुर्याउन सुरु गरिएको छ । चुमनुव्री गाउँपालिकाको सल्लेरी क्षेत्रका बाढी पहिरो प्रभावितहरुलाई गोरखा सदरमुकामबाट हेलिकप्टरमा राहात सामग्री पठाउन सुरु गरिएको जिल्ला प्रसासन कार्यालय गोरखाले जनाएको छ ।
प्रभावित क्षेत्रमामा खाद्यान्य, औषधी, टेन्ट, त्रिपाल लगायतको राहात सामग्री पठाइएको छ । सिम्रिक एयरको हेलिकप्टरबाट राहात सामग्री सल्लेरी पठाइएको हो । गएको असार १ गतेदेखि परेको अबिरल बर्षाका कारण सल्लेरीमा ४ घर बुढी गण्डकी नदीले बगाएको छ भने ७ घर पहिरोको उच्च जोखिममा परेको छ ।
