धादिङ, २ असार । बाढीले बगाएर ल्याएको दुई जना महिलाको शव त्रिशुली नदीको किनारामा भेटिएको छ । धादिङको गल्छी गाउँपालिका वडा नम्बर ६, जिन्टेटार स्थित त्रिशुली नदीको किनारामा शव भेटिएको जिल्ला प्रहरी कार्यालय धादिङले जनाएको छ ।
नदी किनारामा भेटिएको दुवै महिला जना करिब ३५ बर्ष उमेरका रहेको जिल्ला प्रहरी कार्यालय धादिङका डिएसपी जागेश्वर भण्डारीले जानकारी दिनुभयो । शव कुहिएको अबस्था रहेको उहाँको भनाई छ ।
दुवै शवको अहिलेसम्म पहिचान हुन सकेको छैन । भेटिएका शव नुवाकोट रसुवा क्षेत्रबाट बगेर आएको हुनसक्ने अनुमान गरिएको उहाँले बताउनुभयो ।
