गोरखा, २८ जेठ । गोरखा अस्पतालमा उपचारका क्रममा गएराती एक कोरोना संक्रमितको मृत्यु भएको छ । गोरखा नगरपालिका वडा नम्बर ५ का ७८ बर्षका संक्रमित पुरुषको उपचार गर्दागर्दै मृत्यु भएको अस्पतालका सूचना अधिकारी कृष्ण ढकालले जानकारी दिनुभयो ।
बुधबार एन्टिजेन परीक्षणका क्रममा कोरोना पोजेटिभ देखिएपछि गोरखा अस्पतालमा उपचारका लागि ल्याइएका ति पुरुषलाई अस्पतालले चितवन मेडिकल कलेजमा रिफर गरेको थियो । तर परिवारका सदस्यले पुनः बिहिबार गोरखा अस्पतालमा नै फिर्ता ल्याएर भर्ना गरेका थिए ।
मृतकमा पुरुषमा मृगौला तथा निमोमिया समस्या समेत रहेको देखिएको अस्पतालले जनाएको छ । मृतकको शव व्यवस्थापनको तयारी भइरहेको सूचना अधिकारी ढकालको बताउनुभयो ।
