गोरखा २६, जेठ । गोरखामा आफुखुशी संक्रमित क्षेत्रमा औषधी लगायतका स्वास्थ्य सामग्री बितरण गर्न थालेपछि जिल्ला प्रसासन कार्यालयले स्वास्थ्य सामग्री एकद्धार प्रणालीबाट सहयोग गर्न प्रशासनको आग्रह छ । जिल्ला प्रसासन कार्यालयले बुधबार एक सूचना जारी गर्दै स्थानीय तह वा जिल्ला प्रशासन कार्यालय मार्फत कोरोना रोकथाम र नियन्त्रण, उपचारका सामग्री बितरण आग्रह गरेको हो ।
एकद्धार प्रणालीबाट स्वास्थ्य सामग्री बितरण गर्दा आबश्यक परेका ठाउँमा स्वास्थय सामग्री पुर्याउन सकिने भएकाले स्थानीय तह वा प्रसासन मार्फत स्वास्थ्य सामग्री बाँड्न प्रसासनले भनेको छ । स्थानीय तहले स्वास्थ्य शाखा मार्फत आवश्यक परेको वडा, टोल र बस्तीमा स्वास्थ्य सुरक्षाका सामग्री बितरण गर्ने भएकाले दाताले दिएको सामग्रीको सही सदुपयोग हुने प्रसासनले जनाएको छ ।
