गोरखा, २३ जेठ । गोरखाको पालुङटार नगरपालिका– ९ बिर्दीबजारमा ट्याक्टर दुर्घटनामा परि एक युवकको घटनास्थलमै मृत्यु भएको छ । गएराती खोप्लाङको मसाने ठाँटीबाट बिर्दी तर्फ गइरहेको ग १ त ४२७८ नम्बरको ट्याक्टर दुर्घटनामा परेको जिल्ला प्रहरी कार्यालय गोरखाका सूचना अधिकारी डिएसपी प्रकाश दाहालले जानकारी दिनुभयो ।
दुर्घटनामा परि मृत्यु हुनेमा धादिङको दार्खा गाउँपालिका वडा नम्बर ३, घर भएका २० बर्षका याकुव तामाङ रहेको उहाँले बताउनुभयो । दुर्घटनाको कारण खुल्न नसकेको डिएसपी दाहालको भनाई छ । ट्याक्टरका चालक र ट्याक्टर धनीलाई नियन्त्रणमा लिएर अनुसन्धान सुरु गरिएको उहाँले बताउनुभयो ।
