बन्द घर भित्र एक पुरुषको सडेको अबस्थामा शव फेला

जनकपुर १९ जेठ । एक पुरुषको शव घर भित्र सडेको अबस्थामा फेला परेको छ । जनकपुरधाम उपमहानगरपालिका–७ बसहिया रोड स्थित स्थानीय वैद्यनाथ झाको घरमा प्रहरीले सडेगलेको अवस्थामा अन्दाजी ३० वर्षका पुरुषको शव फेला पारेको जनाएको छ ।

बाहिरबाट ताला लगाएको घरको ओछ्यानमा सिरकले छोपेको अवस्थामा शव फेला परेको प्रहरीको भनाई छ । वरपर दुर्गन्ध फैलिएपछि घटना सार्वजनिक भएको थियो ।

स्थानीलयले प्रहरीलाई घरभित्र दुर्गन्ध आएको जानकारी गराएपछि प्रहरीको टोली घर फोडेर हेर्दा शव भेटिएको हो । शवलाई पोष्टमार्टमका लागि प्रादेशिक अस्पताल जनकपुरधाम ल्याइएको छ । घटनाको थप अनुसन्धान भइरहेको छ ।