प्रहरीले वडाध्यक्षलाई दुर्व्यहार गरेको बिरोधमा एक स्थानीय तहका सवै वडा कार्यालय बन्द गरिएको छ । दाङ जिल्लाको घोराही उपमहानगरपालिका- ५, का वडाध्यक्ष रमेश पाण्डेमाथि व प्रहरीले दुर्व्यवहार गरेको भन्दै विरोधमा घोराहीका सबै वडा कार्यालय बन्द गरिएको हो ।
जिल्लाा प्रहरी कार्यालय अगाडि प्रहरीले स्कुटर रोकेर दुर्व्यवहार गरेको भन्दै उपमहानगरका १९ वटै वडा कार्यालय बन्द गरिएको हो । प्रहरीले जनप्रतिनिधि माथि नियोजित रुपमा दुव्र्यवहार गरेका जनप्रतिनिधिहरुको आरोप छ । जिल्ला प्रहरी प्रमुख एसपी गणेश चन्दले नियोजित रुपमा नभई प्रहरीले नचिनेकाले चेकजाँचका लागि भन्दै कमजोरी स्विकार गरिसक्नु भएको बताइएको छ ।
कागजपत्र र परिचयपत्र देखाउँदा देखाउंदै पनि प्रहरी कार्यालय अगाडि वडाध्यक्षलाई रोकेर प्रहरी निरीक्षक रामनारायण गुप्ताले एक किलोमिटर अगाडिबाट स्कुटर सुस्त गतिमा किन नचलाएको भन्दै निहुँ खोजेको दावी जनप्रतिनिधिहरुले गरेका छन् । वडाध्यक्ष पाण्डेले आफू वडावासीका लागि अक्सिजन सिलिण्डर खोज्न निस्किएका बेला प्रहरीले रोकेको बताउनुभयो ।
