गोरखा १८, जेठ । गोरखाको बक्राङका ७७ घरपरिवारलाई कोरोना बिरुद्ध लड्न स्वास्थ्य सामग्री प्रदान गरिएको छ । जिल्लाको सहिद लखन गाउँपालिका वडा नम्बर ७ मा पर्ने सुनडाँडा,पिपपलछाप,बक्राङ गाल्धुक, ल्होपा गाउँमा रहेका ७७ घरधुरीका लागि स्वास्थ्य सामग्रि वितरण गरिएको हो ।
गाउँमा कोरोना भाइरसको संक्रमणका बिरामीहरु बढ्न थालेपछि बक्राङ घर भइ हाल जापानमा कार्यरत सरिता थापामगरेको सहयोग स्वास्थ्य सामग्री बितरण गरिएको जनाइएको छ । सो क्रममा उनिहरुलाई मास्क,स्यानीटाइजर, ज्वरो मापन गर्ने थर्मोमिटर उपलब्ध गराइएको हो ।
प्रत्येक घरधुरीका लागि ५० थान मास्क, दुइ बोतल स्यानीटाइर र एक थान थर्मोमिटर प्रदान गरिएको सहयोग हस्तान्तरण स्थानीय गणेश थापाले जानकारी दिनुभयो । सो क्षेत्रमा मात्र अहिलेसम्म २० जना नागरिकमा कोरोना संक्रमणको पुष्टी भईसकेको छ ।
