गोरखा १६, जेठ । गोरखाको बारपाक सुलिकोट गाउँपालिका वडा नम्बर ४ सौरपानीमा एन्टिजेन परीक्षण गराएका मध्ये झण्डै ३१ प्रतिसतमा कोरोना पोजेटिभ देखिएको छ । नेकपा माओबादी केन्द्रका प्रवक्ता नारायणकाजी श्रेष्ठ (प्रकाश)ले आज आफ्नै नेतृत्वमा चिकित्सक सहितको स्वास्थ्यकर्मीको टोली लिएर गई त्यहाँका संक्रमणको जोखिममा रहेकाहरुको एन्टिजेन परीक्षण गराउनु भएको हो ।
शनिबार मात्र गोरखा आइपुग्नु भएका प्रवक्ता श्रेष्ठ नेतृत्वको स्वास्थ्यकर्मीको टोलीले सौरपानी स्थित सौरपानी स्वास्थ्य चौकीमा त्यहाँका नागरिकहरुको कोरोना परीक्षण गरेको थियो । टोलीले ६५ जनाको एन्टिजेन परीक्षण गरेकोमा २० जनामा कोरोना देखिएको प्रवक्ता श्रेष्ठका स्वकिय सचिव सुरेशकाजी श्रेष्ठले जानकारी दिनुभयो ।
टोलीमा रहेर नागरिकको स्वास्थ्य उपचारमा खटिनु डा. नविन सापकोटा, डा राकेश परियार लगायतका स्वास्थ्यकर्मीहरुले कोरोना पोजेटिभ देखिएका व्यक्तिहरुलाई निशुल्क औषधी सहित परार्मस समेत प्रदान गरेका छन् ।
