गोरखा १०, जेठ । लायन्स क्लब अफ तारानगरले सोमबार (आज) बिभिन्न संस्थाहरुलाई स्वास्थ्य सामग्री बितरण गरेको छ । क्लबले गोरखा नगरपालिका वडा नम्बर १०, ११ र १२ मा रहेका स्वास्थ्य चौकीलाई अक्सिमिटर र थर्मगन वितरण गरेको क्लबका अध्यक्ष अमृत लामिछाने (सुरेन) ले जानकारी दिनुभयो ।
दिनदिनै कोरोना संक्रमितको संख्या बढ्न थालेपछि संक्रमितहरुको स्वास्थ्य उपचारमा सहयोग पुुर्याउने उद्देस्यले स्वास्थ्य सामग्री प्रदान गरेको उहाँले बताउनुभयो । त्यस्तै संक्रमण रोकथाम र नियन्त्रणमा खटिएको १२ किलो प्रहरी चौकी, नेपाल पत्रकार महासंघ गोरखा शाखालाई समेत अक्सिमिटर उपलब्ध गराएको क्लबले जनाएको छ ।
क्लबका अनुसार ११ किलो स्वास्थ्य चौकीलाई ३ थान अक्सिमिटर, १ थान थर्मगन, तारानगर स्वास्थ्य चौकीलाइई १ थान, छेवेटार स्वास्थ्य चौकीलाई २ थान अक्सिमिटर र १ थान थर्मगन वितरण गरिएको उहाँको भनाई छ । त्यस्तै नेपाल पत्रकार महासंघ गोरखा शाखालाई २ थान र प्रहरी चौकीलाई १ थान अक्सिमिटर १ एक थान थर्मगन उपलब्ध गराएको क्लबले जनाएको छ ।
