सप्तरी ४, जेठ । एक स्थानीय तहकी उपप्रमुखको कोरोना संक्रमणबाट मृत्यु भएको छ । सप्तरी जिल्लाको सप्तकोषी नगरपालिकाकी उपप्रमुख आशा चौधरीको कोरोना संक्रमणबाट निधन भएको अस्पतालले पुष्टी गरेको छ ।
कोरोना संक्रमणपछि नोबेल अस्पताल विराटनगरमा उपचार गराइरहनु भएकी चौधरीको मंगलबार बिहान करिब ४ बजे मृत्यु भएको अस्पतालले जनाएको छ । ४० वर्षीया उपप्रमुख चौधरी ८ महिनाको गर्भवतीसमेत हुनुहुन्थ्यो ।
चौधरी २०७४ को स्थानीय तहको निर्वाचनमा नेकपा एमालेबाट निर्वाचित हुनुभएको थियो ।
