गोरखा ३ जेठ । गोरखा नगरपालिका भित्र आज थप ३१ जनामा कोरोना संक्रमणको पुष्टि भएको छ । नगरपालिकाको विभिन्न ७ वटाका वडाहरुमा संक्रमितरु थपिएको नगरपालिका स्वास्थ्य शाखाका जनस्वास्थ्य निरिक्षक निश्चल अर्यालले जानकारी दिनु भयो ।
उहाँका अनुसार वडा न २ मा ३४ वर्षकी एक महिला र ४९ वर्षका एक पुरुष , वडा नं ३ मा चार जना पुरुष र ८० वर्षकी एक वृद्धामा संक्रमण पुष्टि भएको उहाँको भनाई छ ।
त्यस्तै वडा नं ५ मा ३० र ३२ वर्षका दुई पुरुष , वडा नं ४ मा ३३ वर्षका एक पुरुषमा संक्रमण पुष्टि भएको उहाँँले जानकारी दिनुभयो । जनस्वास्थ्य निरिक्षक अर्यालका अनुसार वडा नं ६ मा चार महिला र पाँच पुरुषमा संक्रमण पुष्टि भएको पाईएको छ ।
त्यस्तै नगरपालिकाको वडा नं ७ मा ७ जना महिला र तीन जना पुरुषमा संक्रमण पुष्टि उहाँले जानकारी दिनुभयो । संक्रमित सबैको यही बैशाख २८ गते स्वाव संकलन गरी परिक्षणका लागि पोखरा पठाईएको थियो ।
