गोरखा ३१, बैशाख । गोरखाको सहिद लखन गाउँपालिकाका एक पुरुष र पालुङटार नगरपालिकाका एक पुरुषको कोरोना रिर्पोट नआउदै मृत्यु भएको छ । सहिद लखन गाउँपालिकाको वडा नम्बर ४ घर भएका ४१ बर्षका पुरुषको कोरोना रिपोर्ट नआउदै उपचारका क्रममा आज बिहान मृत्यु भएको वडाध्यक्ष कृष्ण प्रजाले जानकारी दिनुभयो ।
ति पुरुषको काठमाण्डौं स्थित शुक्रराज ट्रपिकल अस्पताल टेकुमा उपचारका क्रममा बिहान निधन भएको वडाध्यक्ष प्रजाले बताउनुभयो । स्थानीय एक बिधालयका शिक्षक समेत रहनु भएका उहाँ बिरामी भएपछि बैशाख २९ गते आफैले एम्बुलेन्स खोजेर उपचारका लागि अस्पताल जानु भएको थियो । उहाँले परिवारका सदस्यमा कोरोना पुष्टी भएपछि कन्ट्रयाक्ट ट्रेसिङमा परेकाले २८ गते नै कोरोना परीक्षणका लागि स्वाब दिनुभएको थियो ।
त्यस्तै पालुङटार नगरपालिका वडा नम्बर २ सिमपानीका ६५ बर्षका एक पुरुषको पनि आज नै उपचारका मृत्यु भएको छ । आँपपिपल अस्पतालमा उपचारका क्रममा उहाँको मृत्यु भएको नगरपालिका स्वास्थ्य शाखाका नगरस्वास्थ्य संयोजक दिपेन्द्र गिरीले जानकारी दिनुभयो । छिमेकीलाई कोरोना संक्रमण देखिएपछि बैशाख २७ गते पिसिआर परीक्षण लागि ति पुरुषले स्वाब दिएका थिए ।
दिउँसो एक्कासी स्वासप्रश्वासमा समस्या आएपछि उहाँलाई आकस्मिक रुपमा २ बजे आँपपिपल अस्पतालमा पु¥याएर उपचारका लागि भर्ना गरिएको उहाँको भनाई छ । मृतक उच्च रक्तचाप र मधुमेहको बिरामी समेत हुनुहुन्थ्यो । पिसिआर रिर्पोट प्राप्त नहुदा शव व्यवस्थापनमा समस्या भइरहेको नगरस्वास्थ्य संयोजक गिरीले जानकारी दिनुभयो ।
