गोरखा २९ बैशाख । गोरखाको बारपाक सुलिकोट गाउँपालिकाको आजदेखि पालिका भित्रका सवै वडामा स्वांब संकलनको काम सुरु गर्ने भएको छ । गाउँपालिकाले संक्रमण उच्च जोखिममा रहेकाहरुको समयमै पहिचान गरि संक्रमण फैलन नदिन स्वांब संकलनको काम अघि बढाउन लागेको गाउँपालिका अध्यक्ष बिष्णुप्रसाद भट्टले जानकारी दिनुभयो ।
गाउँपालिकाले पालिका भित्रका ८ वटै वडामा बुधबारदेखि जेठ १ गतेसम्ममा स्वांब संकलनको काम गर्ने निमित्त प्रमुख प्रशासकिय अधिकृत इश्वरी पनेरुले बताउनुभयो । संक्रमण दर बढेको ठाउँ, छिमेकी देश भारत, अन्य मुलुकबाट आएका र कोरोनासँग मिल्दोजुल्दो लक्षण देखिएकाहरुको स्वाब संकलन गरिने गाउँपालिकाले जनाएको छ ।
गाउँपालिकाले जारी गरेको गरेको सूचनामा बैशाख २९ गते वडा नम्बर ४ को सौरपानी स्वास्थ्य चौकी र ५ को ताकुमाझ लाकुरीबोट स्वास्थ्य चौकीमा स्वाव संकलन गर्ने जनाइएको छ ।
त्यस्तै वडा नम्बर ७ र ८ को पाँचखुवा देउराली वडा कार्यालयमा, वडा नम्बर ६ को ताकुकोट वडा कार्यालयमा ३० गते, वडा नम्बर ३ को स्वाँरा वडा कार्यालयमा ३१ गते र वडा नम्बर १ र २ को बारपाक बसपार्कमा जेठ १ गते पिसिआरका लागि स्वाब संकलन गरिने गाउँपालिकाले जारी गरेको सूचनामा उल्लेख छ ।
