बाजुरा २०, बैशाख । बाजुराको त्रिवेणी नगरपालिका–९ मलालगाउँमा विवाह हेर्न आएकी एक बालिकामाथि पेट्रोल हालेर हत्याको प्रयास भएको छ। वडा नम्बर ८ पन्ताली घर भएकी १४ वर्षीया बालिका सभ्यता बुढाको शरीरमा पेट्रोल हालेर आगो लगाएको जिल्ला प्रहरी कार्यालय बाजुराले जनाएको छ । आगोलागीबाट बालिका घाइते हुनुभएको छ ।
बालिकालाई आगो लगाएर हत्याको प्रयास गर्ने गर्ने स्थानीय सुमन गिरी रहेको जिल्ला प्रहरी कार्यालय बाजुराका प्रहरी नायव उपरीक्षक मदनजीत महराले जानकारी दिनुभयो । हत्या प्रयासपछि गिरी फरार रहेका छन् । उनको खोजी भइरहेको प्रहरीले जनाएको छ । घटनाको अनुसन्धान भइरहेको प्रहरीले जनाएको छ ।
