गोरखा १७, बैशाख । गोरखामा मास्क नलगाइ हिड्नेलाई कारवाही गर्न सुरु गरिएको छ । बढ्दो कोरोना संक्रमणका बिच सार्वजनिक स्थानमा मास्क नलगाई हिडडुल गर्ने ७६ जनालाई बिहिबार प्रहरीले जरिवाना गराएको जिल्ला प्रहरी कार्यालय गोरखाका प्रहरी नायव उपरीक्षक (डिएसपी) प्रकाश दाहालले जानकारी दिनुभयो ।
सवारी सधानमा यात्रा गर्ने र सार्वजनिक क्षेत्रमा हिडडुल गर्ने सवैलाई अनिबार्य मास्क लगाउन आग्रह गर्दै आएको भएपनि अटेरी गर्नेहरुलाई कारवाही गर्न सुरु गरिएको उहाँले बताउनभुयो । डिएसपी दाहालले मास्क नलगाउनेहरुलाई जिल्ला प्रसासन कार्यालयको रसिदमा एक सय रुपैयाका दरले जरिबाना गरिएको जानकारी दिनुभयो ।
