गोरखा, १० बैशाख । गोरखामा करेन्ट लागेर आज बिहान एक युवकको मृत्यु भएको छ । गोरखा नगरपालिका वडा नम्बर ६ स्थित टेलिकम क्षेत्रम सडक बाटो ढलानका क्रममा आफैले समाएको फलामको रडले बिद्युतको तारमा छुन पुग्दा करेन्ट लागेर युवकको मृत्यु भएको जिल्ला प्रहरी कार्यालय गोरखाका प्रहरी निरीक्षक धर्मबहादुर अधिकारीले जानकारी दिनुभयो ।
मृत्यु हुनेमा पश्चिम रुकुमको चौरधारे नगरपालिका– १० घर भएका ३२ बर्षका थलबहादुर बि.क रहेको उहाँले बताउनुभयो । ढलान गरेर सडक बनाउन लागिएको ठाउँमा मजदुरको रुपमा कार्यरत बि.कले फलामको रड ठाडो पार्ने क्रममा बिद्युतको हाइटेण्सन लाइन एक्कासी छोइन पुग्दा करेन्ट लागेको प्रहरी निरीक्षक अधिकारीको भनाई छ ।
करेन्ट लागेर गम्भीर घाइते भएका बि.कलाई नजिकै रहेको एपोलो अस्पतालमा उपचारका लागि पु¥याएको थियो । उपचारकै क्रममा उहाँको मृत्यु भएको प्रहरीले जनाएको छ । घटनाको थप अनुसन्धान भइरहेको प्रहरी निरीक्षक अधिकारीले जानकारी दिनुभयो ।
