तनहुँ ३०, चैत । तनहुँको आँबुखैरेनीका एक पुरुष हत्या गरि शव लुकाएको आरोपमा पक्राउ परेका छन् । जिल्लाको आबुँखैरेनी गाउँपालिका – ५ बरालुङ ५० वर्षीय आइतसिं गुरुङलाई एक बालकको हत्या गरि शव लुकाएको आरोपमा प्रहरीले पक्राउ गरेको हो ।
उनलाई सोही ठाउँका १२ वर्षीय शिशिर गुरुङको हत्या गरेको अभियोगमा पक्राउ गरिएको प्रहरीले जनाएको छ । यहीँ चैत ।२२ गते लाठि सहित कडा वस्तुले शरीरको संवेदनशील अङ्गमा कुटपिट गरी गुरुङले बालकको हत्या गरेको प्रहरीको आरोप छ ।
कुटपिटबाट घाइते शिशिरको चैत २४ गते मृत्यु भएको घटनालाई गोप्य राखी लास सदगत गरेको भन्ने गोप्य सूचनाको आधारमा इलाका प्रहरी कार्यालय आँबु खैरेनीबाट खटिएको प्रहरी टोलीले घटनास्थलबाट लास समेत गरेको छ ।
पक्राउ परेका गुरुङ बिरुद्ध आइबार जिल्ला अदालत तनहुँबाट कर्तव्य ज्यान मुद्वामा म्याद थप गरी अनुसन्धान भइरहेको जिल्ला प्रहरी कार्यलय तनुहँले जनाएको छ ।
