गोरखा, ३० चैत । जबरजस्ती करणीको प्रयास गरेको आरोपमा प्रहरीले एक युवकलाई पक्राउ गरेको छ । गोरखाको अजिरकोट वडा नम्बर ५ बस्ने बर्ष २१ का गोबिन्द गुरुङलाई एकल महिलालाई करणीको प्रयास गरेको आरोपमा पक्राउ गरिएको जिल्ला प्रहरी कार्यालय गोरखाका प्रहरी नायव उपरीक्षक प्रकाश दाहालले जानकारी दिनुभयो ।
पक्राउ परेका गुरुङले ५३ की एकल महिलालाई जबरजस्ती प्रयास गरेको भन्दै पिडितले प्रहरीमा जाहेरी दिएकी थिइन् । पक्राउ परेका अभियुक्तलाई आज जबरजस्ती करणी उद्योग शिर्षकमा मुद्दा दर्ता गरी थप अनुसन्धान अघि बढाइएको उहाँले बताउनुभयो ।
उनले यहीँ चैत २७ गते बेलुकी करिब साढे ८ बजेको समयमा ति महिलालाई करणीको प्रयास गरेको प्रहरीको भनाई छ ।
