गोरखा,२९ चैत माछा मार्न त्रिशुली नदीमा गएमा एक युवकको ६ दिनपछि शव फेला परेको छ । गोरखाको शहिद लखन गाउँपालिका –४ ठेउवाटार घर भएका २२ बर्षका धनबहादुर प्रजाको शव शनिबार फेला परेको जिल्ला प्रहरी कार्यालय गोरखा प्रहरी नायव उपरीक्षक (डिएसपी) प्रकाश दाहालले जानकारी दिनुभयो ।
२३ गते सोमबार साँझ साथीहरु संगै घरबाट माछा मार्न भनेर नदीमा गएका प्रजा नफर्किएपछि खोजतलास हुदै आएको थियो । प्रजाको शव त्रिशुली नदी किनारमा फेला डिएसपी दाहालले बताउनुभयो । उनलाई नदीले बगाएर बेपत्ता बनाएको थियो । बेपत्ता प्रजाको सोही रातीबाट खोजी भएता पनि फेला पर्न सकेको थियो ।
स्थानियबासीले शहिदलखन गाउँपालिकाको वडा नम्बर ४ स्थित भुते बगर भन्ने स्थानमा त्रिशुली नदी किनारमा शव तैरिएको अवस्थामा देखेरपछि प्रहरीलाई खबर गरेका थिए । प्रजाको शव पोष्टमार्टम गरि अन्येष्टीका लागि परिवारलाई बुझाइएको प्रहरीले जनाएको छ । प्रजाको हिजै पोष्टमार्टम पछी शव आफन्तलाई बुझाईएको जिल्ला प्रहरी कार्यालय गोरखाले जनाएको छ ।
