गोरखा १७, चैत । जिल्ला प्रहरी कार्यालय गोरखाबाट प्रहरीसंग सम्बन्धित विविध विषयमा सेवा लिन आउने सेवाग्राहीलाई सजिलोका लागि साहायता कक्ष स्थापना गरेको छ ।
सर्वसाधारण सेवाग्राहीहरुको सेवा प्रवाह छिटो–छरितो होस र सेवाग्राहीको आर्थिक हितलाई समेत मध्यनजर गर्दै बाहिरी विभिन्न व्यक्तिबाट निवेदन तथा उजुरीहरु लेख्दा महंगो शुल्क तिर्नुपर्ने व्यापक जन–गुनासोपछि साहायता कक्षा स्थापना गरिएको जिल्ला प्रहरी कार्यालय गोरखाले जनाएको छ ।
तत्कास सवै खालका गुनासोलाई न्युनिकरण गर्न कार्यालयको नागरिक सहायता कक्ष स्थापना गरेको हो । साहायता कक्ष स्थापना भएसंगै अब सेवाग्राहीले निःशुल्क निवेदन तथा उजुरीहरु लेख्न पाउने जनाइएको छ ।
