गोरखा १७, चैत । गोरखाको अजिरकोट गाउँपालिकाबाट कौडा खेली रहेको अबस्थामा ६ जनालाई प्रहरीले पक्राउ गरेको छ । अजिरकोट गाउँपालिका वडा नम्बर ६ भच्चेक बजारबाट गएराती उनिहरुलाई पक्राउ गरिएको जिल्ला जिल्ला प्रहरी कार्यालय गोरखाले जनाएको छ ।
पक्राउ पर्नेमा अजिरकोट गाउँपालिका वडा नम्बर ३ का सुगम गुरुङ, अमिर सोमबहादुर गुरुङ, बिकास गुरुङ, अमिर गुरुङ सिरानचोक गाउँपालिका वडा नम्बर ५ का प्रकाश पोखरेल र ठाकुर बलयकोटी रहेको प्रहरी नायव उपरीक्षक प्रकाश दाहालले जानकारी दिनुभयो ।
कौडाको खालबाट नगद ९ हजार ९० हजार रुपैया समेत बरामद गरेको उहाँले बताउनुभयो । पक्राउ परेका सवै बिरुद्ध जुवा सम्बन्धी कसुरमा मूद्धा दर्ता गरि अनुसन्धान अघि बढाइएको जिल्ला प्रहरी कार्यालय गोरखाले जनाएको छ ।
