गोरखा २, चैत । गोरखाको शहिद लखन गाउँपालिकाले अपांगता भएका ७९ जना व्यक्तिहरुलाई निशुल्क साहायक सामग्री प्रदान गरेको छ । गाउँपालिका भित्रका रहेका अपांगता भएका व्यक्तिहरुको पहिचान गरि उहाँहरुको आबश्यकताका आधारमा साहायक सामग्री बितरण गरिएको गाउँपालिकाकी उपाध्यक्ष इन्दिरा तिवारीले बताउनुभयो ।
गाउँपालिकाले अपांगता भएका व्यक्तिहरुलाई आबश्यकता अनुसार ह्रिवलचियर, करचेश, बैशाखी, सेतो छडी, श्रबण यन्त्र, ट्वाइलेट चियर लगायतका सामाग्री निशुल्क उपलब्ध गराएको उहाँले बताउनुभयो । गाउँपालिकाको सहयोग तथा श्री प्रगतीशिल अपांगसंघ गोरखाको समन्वयमा अपांगता भएका व्यक्तिहरुलाई साहायक सामाग्री प्रदान गरिएको उपाध्यक्ष तिवारीको भनाई छ ।
गाउँपलिकाले वडा नम्बर ७ को कार्यालयमा एक कार्यक्रमको आयोजना गरि पालिका भित्रका अपांगता भएका व्यक्तिहरुलाई साहायक सामग्री बितरण गरेको वडाध्यक्ष शरण श्रेष्ठले बताउनुभयोे । वडा नम्बर ७ का वडाध्यक्ष शरण श्रेष्ठको अध्यक्षतमा भएको साहायक सामग्री बितरण कार्यक्रममा गाउँपालिकाकी उपाध्यक्ष तिवारी, वडासचिव अमृता सिग्देल, प्रगतीशिल अपांगसंघ गोरखाका अध्यक्ष अमर गुरुङ लगायतको सहभागिता रहेको थियो ।
