काठमाण्डौं १, चैत । आगामी आरोहण सिजनका लागि दोस्रो अनुमति मनास्लु हिमाल (८१६३ मिटरं) का लागि जारी भएको छ । पर्यटन विभागका अनुसार मनास्लु आरोहण गर्न एक जनाले आरोहण अनुमति लिएका छन् । माउटेन्ट किलरको रुपमा चिनिने गोरखाको मनास्लु हिमाल आरोहणका लागि अघिल्लो सिजनमा समेत सवै भन्दा धेरैले अनुमति लिएका थिए ।
यसअघि पहिलो आरोहण अनुमति नुप्त्से हिमाल .७८६४ मिटर)का लागि भएको थियो । सो हिमालका लागि भने एउटा समूहका चार जनाले अनुमति लिएका छन् । यी दुई आरोहण अनुमतिबाट सरकारले ४ लाख ९० हजार रोयल्टीसमेत संकलन भइसकेको छ ।
वसन्त ऋतुमा हिमाल आरोहणको प्रयोजनका लागि हरेक वर्ष ठूलो संख्यामा विदेशी पर्यटक भित्रन्छन् । कोरोना महामारीका कारण गत वर्ष भने आरोहणका सबै गतिविधि रद्ध भएका थिए ।
