गोरखा ७, फागुन । जिल्ला कारागार गोरखाको थुनामा रहेका एक कैदीबन्दीलाई सरकारले ९ बर्ष ९ महिना २२ दिने कैद सजाय माफी दिएको छ । राष्ट्रिय प्रजातन्त्र दिवसको अवसर पारेर मन्त्रिपरिषद्को सिफारिसमा राष्ट्रपति बिद्यादेवी भण्डारीले आममाफी दिनुभएको हो ।
जिल्लाको आरुपोखरी घर भएका ३५ बर्षका गोपाल बरामलाई दिवसको अबसरमा कैद सजाय छुट दिएको कारागार व्यवस्थापन बिभागले जनाएको छ । उनि कतव्र्य ज्यान मुद्दामा बि.स २०६७ साल मंसिरदेखि कारागार कैद सजाय भोग्दै आएका थिए । सरकारको सिफारिसमा राष्ट्रपति बिद्यादेवी भण्डारीले देशभरका गरि कुल ४ सय १ जना कैदीलाई आममाफी दिएर बाँकी कैद मिनाहा गरिदिएकी हुन् ।
नेपालको संबिधान अनुसार कम्तिमा ५० प्रतिसत कैद सजाय भुक्तानी गरिसकेका, असल चालचलन भएका कैदीबन्दीलाई सरकारले प्रजातन्त्र दिवसको अबसरमा आममाफी दिने गरेको छ ।
