काठमाण्डौं २९ माघ । नेपाल कम्युनिष्ट पार्टी (नेकपा)की नेतृ रामकुमारी झाँक्रीले प्रहरीले घरबाट नै पक्राउ गरेको छ । पक्राउ पुर्जी सहित झाँक्रीलाई प्रहरीले नियन्त्रणमा लिएको हो ।
नेकपा प्रचण्ड–नेपाल समूहकी नेतृ रामकुमारी झाँक्रीलाई राष्ट्रपति विद्यादेवी भण्डारीमाथि दिएको अभिव्यक्ति राज्यविरोधी भएको भन्दै प्रहरीले केहिबेर अघि झाँक्रीको निवास पुगेर प्रक्राउ पुर्जी थमाएको थियो ।
त्यसलगत्तै उनलाई महानगरीय अपराध महाशाखाको टोलीले पक्राउ गरेको छ । झाँक्रीको घरमा प्रहरी पुगेको थाहा पाएलगत्तै उहाँका समर्थकहरुले सरकारविरुद्ध नाराबाजी गरिरहेका छन् । केही समय अघि गोरखामा आयोजित बिरोधसभामा राष्ट्रपति माथि गरेको टिप्पणीमा अनुसन्धान गर्न नेता झाँक्रीलाई पक्राउ गरेको हो ।
