काठमाण्डौ ५, माघ । प्रहरीको केन्द्रीय अनुसन्धान व्युरोले बैकिङ कसुर मुद्दाका फरार ३ अभियुक्तलाई पक्राउ गरेको छ । पक्राउ पर्नेमा गोरखाको गण्डकी गाउँपालिका घर भएकाा बिष्णु अम्गाई, चितवनको भरतपुरका रामबहादुर अधिकारी, र काठमाण्डौको चन्द्रागिरीका सुवास थापा रहेको प्रहरीले जनाएको छ ।
केन्द्रीय अनुसन्धान व्युरो (सिआईवी) बाट खटिएको प्रहरीको टोलीले झण्डै ३२ करोड ठगी अभियोग लागेका उनिहरुलाई पक्राउ गरेको हो । उच्च अदालत पाटनबाट कैद तथा जरिवाना फैसला गरि फरार हुदै आएका उनिहरुलाई लुकीछिपी हिडेको बेला पक्राउ गरिएको सिआईवीका प्रहरी उपरीक्षक बेलबहादुर पाण्डेले जानकारी दिनुभयो ।
उनिहरुले आफ्नो खातामा पर्याप्त मौज्जाद रकम नभएको भन्ने थाहा हुदाहुदै पिडितलाई झुक्याएको पुष्टी भएको अदालतले कैद तथा जरिवानाको फैसला सुनाएको थियो । पक्राउ परेका तिनै जनालाई बैंकिङ कसुर तथा सजाय ऐन २०६४ को दफा ३ (ग) बमोजिम कसुरमा दफा १५ (१) बमोजिम कैद तथा जरिवाना तोकिएको हो ।
