अर्घाखाँची १, माघ । अर्घाखाचस्मा एक महिलाको कुटेर हत्या गरिएको छ । सन्धिखर्क नगरपालिका–१ तुमकोट बस्ने २३ वर्षीय बिमल नेपालीले आफ्नै ६० वर्षीया आमा हिरा कुमारी नेपालीलाई कुटपिट गरी हत्या गरेको प्रहरीले जनाएको छ ।
हत्याको आरोपितलाई प्रहरीले नियन्त्रणमा लिई अनुसन्धान अघि बढाएको जनाएको छ । मादक पदार्थ सेवन गरी बिमलले आमालाई कुटपिट गर्दा मृत्यु भएको भन्ने खबर प्राप्त हुनासाथ जिल्ला प्रहरी कार्यालय अर्घाखाँचीबाट खटिएको प्रहरीले उनलाई पक्राउ गरेको हो ।
