गोरखा १, माघ । अमेरिकामा रोगजारीमा रहनु भएकी गोरर्खाली एक महिला डाक्टरले मानव सेवा आश्रम गोरखालाई खाद्यान्न सहयोग उपलब्ध गराउनु भएको छ । गोरखा जिल्ला सिरानचोक गाउँपालिका १ घर भई हाल अमेरिकामा चिकित्सक पेशामा संलग्न रामलक्ष्मी गुरुङले ६० हजार मुल्य बरावरको खाद्यान्न सामाग्री उपलब्ध गराउनु भएको मावनसेवा आश्रम गोरखाले जनाएको छ ।
आश्रममा आज एक कार्यक्रम गरी ६० हजार मुल्य बरावरको खाद्यान्न हस्तान्तरण गरिएको गोबिन्द गुरुङले जानकारी दिनुभयो । नाताले फुपु पर्ने उहाँले आश्रमलाई सहयोग गर्न चाहे पछि आश्रमको आग्रहमा खाद्यान्न सामाग्री हस्तान्तरण गरिएको गुरुङले बताउनुभयो ।
सहयोग उपलब्ध गराईएको खाद्यान्नमा १० बोरा चामल तथा आलु, चिउरा र नुन १÷१ बोरा रहेको आश्रमले जनाएको छ । साथै खाने तेल २ प्याक, चिनी, साबुन, श्रफ, चाउचाउ, बिस्कुट, दालमोठ र स्याम्पु समेत रहेको छ ।
केही दिन यता आश्रमलाई दैनिक उपभोग्य सामाग्रीको अभाव भएको जानकारी पाए पछि सोही अनुसारको सामाग्री उपलब्ध गराईएको गुरुङको भनाई छ । सहयोग सामाग्रीमा तरकारी समेत रहेको छ । कार्यक्रममा नेपाल रेडक्रस सोसाईटी जिल्ला शाखाका सभापति भगवानबावु मास्के, रिता गुरुङ र बलबहादुर गुरुङको समेत उपस्थिती रहेको आश्रमले जानकारी दिएको छ ।
