सिराहा २२, पुस । सिराहाको गोलबजार नगरपालिका १२ मा बिधालयबाट घर फर्किएका भनिएका एक युवक मृतावस्थामा भेटिएका छन् । एक निजी विद्यालयबाट घर फर्किँदा बाटैबाट हराएका बेतौना हरिपुरका १७ वर्षीय आनन्द सिंह बुधबार बिहान मृतावस्थामा भेटिएको प्रहरीले जनाएको छ।
सिंहको शव गोलबजार नगरपालिका ६ दोहटिया जानकी इटाभट्टा नजिकै हालसालै उखु रोपेको जग्गामा फेला परेको हो। उहाँ मंगलबार दिउँसो ३ बजेदेखि बेपत्ता हुनु भएको थियो ।
मृतक सिंह सृजना बोर्डिङ्ग स्कुलको कक्षा १० मा अध्ययरत उहाँ मंगलबार विद्यालयबाट परीक्षा दिएर घ स्थानीयले लडेरर फर्किनु भएको थियो । प्रहरीका अनुसार मृतकको शरिरमा चोटपटक, निलडाम देखिएको छैन्।
पीडित पक्षको सहमतिमा बुधबार साँझ लहानस्थित राउ स्मारक अस्पतालमा शवलाई पोस्ट्मार्टका लागि ल्याइएको इलाका प्रहरी कार्यालय लहानका डीएसपी शरत थापाले जानकारी दिनुभयो । घटनाबारे थप अनुसन्धान भइरहेको प्रहरीले जनाएको छ।
