गोरखा २३ भदौ । गोरखामा मंगलबार १० जना कोरोना संक्रमित थपिएका छन् । गण्डकी प्रदेश जनस्वास्थ्य निर्देशनालयले आज जारी गरेको बिज्ञप्तीमा जिल्लाको गोरखा नगरपालिका, भीमसेन थापा गाउँपालिका, सिरानचोक गाउँपालिका र बारपाक सुलिकोट गाउँपालिकामा कोरोना संक्रमित भेटिएको पुष्टी गरेको हो । संक्रमित हुनेहरुमा गोरखा नगरपालिका वडा नम्बर ७ का ५, २२, २३ वर्षीय पुरुष र ६५, २५ वर्षीय महिला रहेका छन् ।
त्यस्तै बारपाक सुलिकोट गाउँपालिका वडा नम्बर ५ का ३० बर्ष, वडा नम्बर ७ का २४ र ४६ बर्षिय पुरुष रहेको निर्देशनालयका निर्देशन डा. बिनोदबिन्दु शर्माले जानकारी दिनुभयो । आज संक्रमण पुष्टी भएका अन्य संक्रमितहरुमा सिरानचोक गाउँपालिका वडा नम्ब ६ का १७ वर्षीय पुरुष तथा भीमसेन थापागाउँपालिका वडा नम्बर ३ का ७० वर्षीय पुरुष रहेको उहाँले बताउनुभयो ।
