नागरिक सवाल संवाददाता
जनकपुर १७ भदौं । एक पटक चार शिशुलाई जन्म दिएर जनकपुरकी एक महिलाले संसार छोड्नु भएको छ । जनकपुरको जोगियाराकी अमिरुल खातुनको आज ४ शिशुलाई जन्मदिए लगत्तै ज्यान गएको हो । हिजो राती एकै पटकमा चम्ल्याहा बच्चाको जन्म दिएकी उहाँको अवस्था गम्भीर भएको थियो ।
विदेह नगरपालिका ७ जोगियारा टोलकी खातुनले जनकपुरधामस्थित काब्या अस्पतालमा मंगलबार राति शल्यक्रियामार्फत ३ छोरी र १ छोराको जन्म दिनुभएको थियो । खातुनलाई बुधबार बिहानदेखि स्वासप्रश्वासमा समस्या देखिए पछि आईसीयूमा राखेर उपचार गर्ने क्रममा दिउँसो मृत्यु भएको अस्पतालले जनाएको पुष्टी गरेको छ ।
आमाको मृत्यु संगै सबै बच्चाहरुको स्वास्थ्य अवस्था समेत अस्थिर देखिएको अस्पतालले जनाएको छ । अहिले सबैलाई बच्चालाई एनआईसीयूमा राखेर उपचार भई रहेको छ ।
