बिमल श्रेष्ठ
गोरखा २६, साउन । प्रेस संगठन गोरखाले कोरोना भाइरस (कोभिड १९) को संक्रमणको रोकथाम नियन्त्रण र न्युनिकरणका लागि अग्रमेर्चामा रहेर काम गरिरहेका पत्रकारको सुरक्षाका लागि गोरखाका पत्रकारहरुलाई स्वास्थ्य सामग्री प्रदान गरेको छ । महासंघका उपाध्यक्ष समेत रहनु भएका प्रेस संगठन गोरखाका संयोजक दिपक श्रेष्ठले पत्रकार महासंघ गोरखा शाखाका अध्यक्ष किशोरजंग थापालाई स्वास्थ्य सामग्री उपलब्ध गराउनु भएको हो ।
प्रेस संगठनका केन्द्रिय सदस्य राजेन्द्र न्यौपाने मार्फत व्यवस्थापन गरिएका सर्जिकल मास्क, सेनिटाइजर, N-95 मास्क, गोल्ब्स लगायतका स्वास्थ्य महासंघलाई प्रदान गरिएको संगठनका संयोजक श्रेष्ठले जानकारी दिनुभयो । संगठनले महासंघलाई एकथान थर्मल गन समेत उपलब्ध गराएको उहाँले बताउनुभयो ।
कोरोना भाइरसको उच्च जोखिमका बिच समाचार संकलन र सम्प्रेषणमा क्रियाशिल जिल्लाका पत्रकारहरुको स्वास्थ्य सुरक्षाका लागि संगठनले महासंघ मार्फत पत्रकारलाई स्वास्थ्य सामाग्री प्रदान गरेको संयोजक श्रेष्ठले जानकारी दिनुभयो ।संगठनबाट प्राप्त स्वास्थ्य सामग्री महासंघले सोमबार नै पत्रकारहरुलाई बितरण गरेको हो ।
