कास्की २५, साउन । पोखरा स्वास्थ्य बिज्ञान प्रतिष्ठन पोखरखाको आइसियुमा उपचारका क्रममा शनिबार ज्यान गुमाएका ६२ बर्षिय पुरु धर्म प्रवर्तक भएको पाइएको छ । रुघाखोकी लागेर साउन १६ गते पोखराको ओम अस्पताल र पश्चिमाञ्चल क्षेत्त्रीय अस्पताल उपचारका लागि पुगेका उनको कोरोना संक्रमणका कारण मृत्यु भएको हो ।
यहीं साउन १७ गते उनीमा कोरोना पुष्टि भएको थियो । कोरोना संक्रमण पुष्टि हुनुभन्दा केही दिनअघि मात्र उनले घरमै ‘सच्चाई कार्यक्रम’ गर्दै आएको पाइएको छ । पोखरा महानगरपालिका वडा नम्बर १९ का वडाध्यक्ष शोभामोहन पौडेलका अनुसार उनी लामाचौरको एक सच्चाईको प्रमुख भएको खुलेको छ । उनको घरमा सच्चाईमा सहभागी हुन जाने अन्य ६ जनालाई कोरोना कोरोना संक्रमण पुष्टि भएो छ । उनको सम्पर्कमा आएका ६७ जनाको स्वाब परीक्षण गरिएको थियो
‘ईश्वरीय मार्ग भजन मण्डल सच्चाई केन्द्र’ नामक धार्मिक अभियानको लामाचौर शाखाका प्रमुख रहेको र उनले आफूसँग कोरोना भगाउने तागत भएको बताउने गरेको स्थानीयहरुबासीहरुको भनाई छ । उनको परिवारका सदस्यहरु हङकङमा छन् । तर उनी सच्चाई प्रवर्तक भएकै कारण पोखरामा बस्दै आएका थिए ।
