गोरखा ६, साउन । गोरखाको भीमसेन थापा गाउँपालिका– २ तान्द्राङ पहिरोमा परी एक महिला गम्भीर घाइते हुनु भएको छ । आज बिहान घाँस काट्न जानुभएकी स्थानीयबासी अन्दाजी ५१ बर्षकी धनकुमारी बन्जरालाई पहिरो बगाएपछि घाइते हुनुभएको हो । घर नजिकै पर्ने कोया भन्ज्याङ भन्ने ठाँउमा बिहान ८ बजे घाँस काट्न गएका बेला वरपरको पुरै क्षेत्र पहिरोले बगेपछि उहाँपनि पहिरो संगसंगै बग्नु भएको थियो ।
घाँस काट्न संगै जानु भएका छोरा जीबन बञ्जरा दौडिएर गएर उहाँलाई पहिरोबाट सकुसल उद्धार गर्न सफल भएको स्थानीबासी समेत रहनु भएका नेकपाका नेता लोकप्रसाद बन्जराले जानकारी दिनुभयो । छोरा भने पहिरो भन्दा केही पर भएकाले आमालाई पहिरोले बगाएको देखेपछि उद्धार गर्न तत्काल पुग्नु भएको थियो । घाइतेको घाँटीको एउटा हड्डी भाचिएको र एकपट्टीको पाता खुस्किएको अनुमान गरिएको उहाँले बताउनुभयो ।
पहिरोले उहाँको घाँटी भन्दा मुनीको सवै भाग पुरिएको अबस्थामा उद्धार गरिएको हो । ‘घाइते वोहेस नभएको र भुमीट समेत नभएकाले अबस्था जोखिम पूर्ण छैनकी भन्ने हो, उहाँले भन्नुभयो, सदरमुकामसम्म अहिले पु¥याउन सक्ने अबस्था समेत छैन,।’ ‘छोरो संगै भएर मात्र जिबन बचाउन सकियो, उहाँले भन्नुभयो, ‘घाइतेलाई अहिले स्वास्थ्यकर्मीलाई बोलाएर घरमै उपचारको प्रयास गरिएको छ ।’ फोटो : नेकपाका नेता लोकप्रसाद बन्जराको फेसबुकबाट साभार
