गोरखा ४, साउन । गोरखामा सवारी नियम उल्लंघन गर्ने सवारी साधनलाई कारवाही गर्दा गत आर्थिक बर्ष २०७६/०७७ मा ७२ लाख रुपैया भन्दा बढी राजस्व संकलन गरेको छ । जिल्ला ट्राफिक प्रहरी कार्यालय गोरखाका प्रमुख नायव निरीक्षक मित्रलाल ढकालले आज आयोजित पत्रकार भेटघाट कार्यक्रममा गएको आर्थिक बर्षमा सवारी जरिवना बापत ७२ लाख ७ हजार रुपैया राजस्व संकलन भएको जानकारी दिनुभयो । बन्दाबन्दीका कारण अघिल्लो आर्थिक बर्षमा भन्दा गएको आर्थिक बर्षमा २३ हजार रुपैया कम राजस्व संकलन भएको उहाँले बताउनुभयो ।
कार्यालयले आर्थिक बर्ष २०७६/०७७ को फाल्गुन महिनामा सवारी जरिबाना बापत सवैभन्दा धेरै ८ लाख ५२ हजार रुपैया राजस्व संकलन गरेको उहाँले जानकारी दिनुभयो । त्यस्तै सवैभन्दा थोरै जेठ महिनामा रु १ लाख ८२ हजार रुपैया राजस्व संलकन भएको कार्यालयले जनाएको छ । कार्यालयका अनुसार गत आर्थिक बर्षको साउन महिनामा १ हजार ५० सवारी साधानलाई कारवाही गर्दा ७ लाख ५७ हजार ५ सय, भदौमा ९सय ५० वटा सवारी साधनलाई कारवाही गर्दा रु ६ लाख ७७ हजार ५सय, असोजमा ९५० वटा सवारी साधनलाई कारवाही गर्दा रु ६ लाख ६३ हजार, कात्तिकमा १ हजार सवारी साधनलाई कारवाही गर्दा रु ७ लाख ११ हजार ५ सय, मंसिरमा १ हजार ५० सवारी साधनलाई कारवाही गर्दा रु ७ लाख २९ हजार ५ सय रुपैया राजस्व संकलन भएको छ ।
त्यस्तै गएको आर्थिक बर्षको पुस महिनामा १ हजार ५० वटा सवारी साधनलाई कारवाही गर्दा ७ लाख ४० हजार, माघमा १० हजार ५० सवारी साधनलाई कारवाही गर्दा ७ लाख २ हजार, चैत महिनामा ६ सय सवारी साधनलाई कारवाही गर्दा ४ लाख ६६ हजार ५ सय, बैशाखमा ४ सय सवारी साधनलाई कारवाही गर्दा २ लाख ८० हजार र असारमा ६ सय सवारी साधनलाई कारवाही गर्दा ४ लाख १ हजार ५ सय राजस्व संकलन भएको ढकालले जानकारी दिनुभयो ।
ट्राफिक प्रहरीले गएको आथिर्क बर्षमा मात्र सवारी नियम उल्लंघन गर्ने १० हजार १५० वटा सवारी साधनलाई कारवाही गरेको जनाएको छ । जसमध्ये सवै भन्दा धेरै मोटरसाईकल कारवाहीमा परेका छन् । बाह्र महिनाको अबधीमा जिल्लाभरमा २ हजार ९८३ वटा मोटरसाईकललाई कारवाही गरिएको उहाँको भनाई छ । त्यस्तै गएको आर्थिक बर्षभरीमा जिल्लाभर १ हजार ७४९ वटा ट्याक्टर, २ हजार २५७ वटा कारजिप, १ हजार १८९ वटा बस, र १ हजार ७५० वटा सवारी नियम उलंघन गर्ने ट्रक तथा टिपरलाई कारवाही गरिएको कार्यालयले जनाएको छ ।
