गोरखा १९, जेठ । गोरखाको भीमसेन थापा गाउँपालिका –३ तान्द्राङमा मिलले हात काटेर गम्भीर घाइते भएका छन् । आफ्नो घरमा धान कुट्ने मिल जडानका क्रममा स्थानीय इश्वरी लामिछानेको गम्भीर घाइते भएका हुन् ।
मिलले काटेर लामिछानेका हात टुक्रिएको स्थानीय शिक्षक श्यामप्रसाद लामिछानेले जानकारी दिनुभयो । घाइतेको पाखुराको हाड र मांसपेशी टुक्रिएको अस्पताललाई उद्धृत गर्दै उहाँले बताउनुभयो । हिजो साँझ घटना भएको र घाइतेलाई तत्काल उपचारका लागि काठमाण्डौ लगिएको स्थानीयले बताएका छन् ।
घाइतेको अहिले काठमाण्डौका वीरअस्पतालको ट्रमा सेण्टरमा उपचार भइरहेको छ ।
