गोरखा १५, जेठ । भारतमा रोजगारी लगायतका काममा शिलशिलामा गएका १ सय १ जना आजसम्ममा गोरखा आइपुगेका छन् । गोरखा जिल्लामा गत बैशाख २५ गतेदेखि आजसम्ममा जिल्लाका बिभिन्न स्थानीय तहहरुका नागरिकहरु गोरखा आइपुगेको जिल्ला प्रसासन कार्यालय गोरखाले जनाएको छ । कार्यालयका अनुसार पूर्व मेचीनाकादेखि पश्चिम कञ्चनपुरको गड्डाचौकी नाकाबाट उनिहरु गोरखा भित्रिएका हुन् ।
जिल्लामा भित्रिएका मध्ये सवैभन्दा धेरै पालुङटार नगरपालिकाका २२ जना रहेको प्रसासकिय अधिकृत हर्कबहादुर रोकाले जानकारी दिनुभयो । त्यस्तै अहिलेसम्म गोरखा नगरपालिकाकाका ५ जना, सिरानचोक गाउँपालिकाका ८ जना, अजिरकोट गाउँपालिकाका ५ जना, बारपाक सुलीकोट गाउँपालिकाका १६ जना जिल्ला भित्रिएको उहाँले बताउनुभयो ।
अधिकृत रोकका अनुसार आजसम्ममा जिल्लाको धार्चे गाउँपालिका ११ जना, आरुघाट गाउँपालिकाका १४ जना र भीमसेन थापा गाउँपालिकाका ८ जना जिल्ला भित्रिएका छन् । त्यस्तै गण्डकी गाउँपालिका घर भई भारतमा रोजगारीमा पुगेका ७ जना र शहिद लखन गाउँपालिका ४ जना जिल्ला भित्रिएको कार्यालयको तथ्याङमा उल्लेख छ ।
जिल्ला भित्रिएका सवैलाई सम्बन्धित गाएँपालिकाले क्वारेन्टाइनमा राख्ने गरि गोरखा नगरपालिकाको देउरालीमा रहेको गोरखकाली रवर उद्योगको निवासबाट सम्बन्धित गाउँपालिकामा पठाइएको रोकाले बताउनुभयो । क्वारेन्टाइनमा रहने सवैको एकहप्ता पछि पिसिआर परीक्षण गरिने र रिर्पोट नेगेटिभ आए १४ दिन पछि होम क्वारेन्टाइनमा रहने गरी घर पठाइने जनाइएको छ ।
