गोरखा २, जेठ । गोरखाको पालुङटार नगरपालिका– २ जामुुने स्थित जंगलको छेउमा एउटा चितुवा मृत अबस्थामा फेला परेको छ । जंगल नजिकको खेत सानो चितुवा मृत फेला परेको स्थानीयबासी दिनेश नेपालीले जानकारी दिनुभयो । मृत चितुवाको घाँटी चोट देखिएकाले माउ चितुवाले नै मारेको हुनसक्ने स्थानीयबासीहरुले आंशका गरेका छन् ।
मृत चितुवा हेर्दा एकदुई दिन अघि नै मरेको हुनसक्ने अनुमान गरिएको नेपालीले बताउनुभयो । गोठालो जाँदा मृत अबस्थामा चितुवा फेला परेको उहाँको भनाई छ । पालुङटार नगरपालिकाका र बन कार्यालयलाई सो को बारेमा जानकारी गराइ सकिएको उहाँले बताउनुभयो । । पालुङटार नगरपालिका क्षेत्रमा केही दिन अघि चितवाले मानिसलाई गोठालो जादाँ आक्रमण गर्ने क्रममा चितुवा नै मारिएको थियो ।
पालुङटार संग जोडिएको तनहुँको भानु नगरपालिका क्षेत्रमा केही समय यता चितुवाले बालबालिकालाई निरन्तर आक्रमण गर्ने गरेको र गतबर्षदेखि अहिलेसम्ममा ११ जना भन्दा बढि बालबालिकाले ज्यान गुमाई सकेका छन् ।
