गोरखा १, जेठ । गोरखाको गण्डकी गाउँपालिका–६ भूम्लिचोक स्थित चेपाङ वस्तीका स्थानीयले राहत नपाएको गुनासो गरेका छन् । लक डाउनका कारण काम नपाउँदा बिहान वेलूकीको छाक टार्न समेत समस्या भएको भन्दै उनीहरुले आफूलाइ स्थानीय तहले पनि नहेरेको भन्दै चिन्ता व्यक्त गरेका छन् ।
अधिकांश स्थानीय ज्याला मजदुरी गरेर खाने भएपनि पालिकाले राहत नदिएको स्थानीय गुञ्ज बहादुर चेपाङले गुनासो गर्नुभयो । गाउँपालिका अध्यक्ष होम बहादुर रानाले भने विपन्न घरधुरीलाइ यसअघि नै पहिलो चरणको राहत वितरण भइसकेको बताउनुभएको छ ।
भूकम्पको बेला जस्तो सबैलाइ राहत दिने नभइ अति विपन्न घरधुरीले मात्र राहत पाउने उहाँले बताउनुभयो । गोरखाका स्थानीय तहले अति बिपन्न र आवश्यक परेकाहरुलाइ मात्रै राहत बितरण गरेको जनाएका छन् ।
