खोटाङ २६ बैशाख । खोटाङमा आफ्नै सालोले चिर्पट प्रहार गर्दा भिनाजुको मृत्यु भएको छ । केपीलासगढी गाउँपालिका–२ खार्ताम्छा चोखानेका २७ वर्षीय मिलन राईको चिर्पट प्रहारबाट ४७ वर्षीय भिनाजु पृतीलाल राईको बिहीबार साँझ मृत्यु भएको हो । कान्छी श्रीमती तर्फका सालोको चिर्पट प्रहारबाट पृतीलालको घटनास्थलमै मृत्यु भएको जिल्ला प्रहरी कार्यालय खोटाङका प्रहरी निरीक्षक आमोदकुमार खेरवारले जानकारी दिनुभयो । घटनामा संलग्न मिलन र उनका २० वर्षीय भाई जीवन राईलाई प्रहरीले शुक्रबार पक्राउ गरेको छ ।
२०६४ साल कात्तिक ३ गते आफ्नै सासु र कान्छी श्रीमती हत्या गरेका पृतीलाल ८ वर्ष ६ महिना १३ दिनको कैंद भुक्तान गरेर २०७३ साल जेठ १५ गते जिल्ला कारागार शाखा दिक्तेलबाट छुटेका थिए ।
१२ वर्षअघि हत्या गरिएका तिनै कान्छी श्रीमतीका भाईले पुनः पृतीलालको कतव्र्य गरी हत्या गरेको प्रहरीले जनाएको छ । जेलबाट छुटेपछि सुनसरीमा बस्दैआएका पृतीलाल आफन्तको बिहेका लागि लकडाउन अगाडि गाउँमा आएका थिए ।
